mr.x...abier

STRIP-TEASE 'begiren bidaia harrigarria'

2008-03-24T21:48:00.007+01:00

eta ideia berdina beste era batean enfokatua:

SMOKE ON THE WATER - MADE IN JAPAN (eta ez naiz diskoaz ari)

2008-03-19T23:32:00.002+01:00

Hona hemen Japoniar batzuk beren herriko era tradizionalean egindako 'smoke on the water' kantu famatuaren bertsioa:

EGUNKARIA LIBRE

2008-02-19T22:29:00.001+01:00

SPACE INVADERS

2007-12-09T12:47:00.000+01:00

1978. urtean sortutako bideojokoen historiako jokurik esanguratsuenetako bat.

Free Flash Games

9 MILIOI JOSTAILU ERRETIRATU DITUZTE

2007-08-21T12:53:00.000+02:00

Bederatzi milioi jostailu erretiratu behar izan ditu merkatutik munduko jostailu ekoizle handienak, Mattelek. Berun gehiegi duten gaiekin margotuta daudela onartu dute, eta arriskutsuak izan daitezkeela. Antza, jostailu guztiak Txinan egindakoak ziren. Jostailu aski ezagunak daude erretiratu dituztenen artean; Barbie panpina, Batman eta Sarge autoa, besteak beste. Hilaren hasieran ere antzeko erabakia hartu behar izan zuten Mattelgo arduradunek Fisher Price katean salgai zituzten hainbat jostailurekin. Txinan egindako produktuekin sortu dira beti arazoak.
Berria

STRIP-TEASE 'begi kirolaria'

2007-06-09T13:01:00.000+02:00

Tira hau

www.stripgenerator.com -i

esker gauzatu da.

HEMEN EZ DA INOR LIBRATZEN

2007-05-31T13:45:00.000+02:00

Isabel Pantojaren aldeko orria (lunarezko pultserak oparitzen zituena), EITBko bi langilek egin zuten web orrien lehiaketa batean. Honetan ez dago esan beharrik denek irentsi dutela amua. Web orri horetan sartu nahi ezkero klikatu hemen, baina ez eskatu pultserarik ez zaizue inoiz iritsiko ta.

TOMA CONTRASTE DE INFORMACION

2007-05-16T14:06:00.000+02:00

Prentsa arrosan Pantoja edo Julian Muñozi buruz edozer gauza jartzen dutela frogatzeko, se lo que hicisteis... saioan (la sexta), Julian Muñozen aldeko web orri bat sortu zuen. Hona hemen getatutakoa:

Eta bigarren zatia:

zeresan handia sortu duen web orri hontan sartu nahi baduzue hemen klikatu besterik ez duzue egin behar. Eta ez baduzue bertan sartu nahi klikatu hemen

IKA, IKA, IKA, AMAITU DA KORRIKA!

2007-04-02T20:52:00.000+02:00

10 egunez, Euskal Herriko txoko guztitan korrika jardun ondoren, atzo, apirilak 1, amaiera eman genion euskararen aldeko maratoiari. Karrantzan hasi zen martxoaren 22an, eta Iruñearaino jarraitu du korrikalariek lagunduta. Atzoko ekitaldiaren amaieran, Xabier Amurizak eta Miren Amurizak, bere alabak, korrika 15en mezua irakurri zuten "bizi da, biziko da" izenburupean.

Informazio gehiagorako sartu korrikaren web orrian, hemen klik eginda.

PONG-ROUND

2007-03-07T13:24:00.000+01:00

Free Flash Games

MR.X 'S WEB PAGE

2007-03-04T13:12:00.000+01:00

Gogoratzen The Simpsons telesaiean Homerrek egindako web orria? Ba sarean nabigatzen nenbilela aurkitu dut. Hemen klikatu zazue ikusi nahi baduzue. Simpsondarren frikiak bazarete gustoko izango duzue, eta ez bazarete ere bai. (Ingelesez dago).

STRIP-TEASE 'begi bolatokian'

2007-02-05T16:59:00.000+01:00

Tira hau

www.stripgenerator.com -i

esker gauzatu da.

KONTUZ, HILERRIA

2007-01-28T12:31:00.000+01:00

Zer iruditzen? Normala ezta? Ba ez! Argazki hau hilerri batean aterata dago, Irungo hilerrian hain zuzen. Antza denez, hilerri hontan irristatzeko arriskua dago, eta debekatua dago, kanposantura joaten zaren bakoitzean 20 hilobi baino gehiago bisitatzea, ze ez dut uste inor 20 km/h abiaduran hilerritik korrika joango denik.

ETIKETAK

2007-01-17T20:12:00.000+01:00

Ikusiko zenutenez, post bakoitzaren azpian etiketak edo "labels"ak daude. Etiketa edo label hauek nola erabili jakiteko ikastaro bat prestatu dizuet, eta ikastaro honen izena "Etiketak edo label hauek nola erabili" izango da. Horretarako, pauso hauek jarraitu behar dira:
· a) Post bakoitzaren azpian jartzen duen "labels"en edo profilaren azpian dagoen "etiketak" atalean gai bat hautatu.
· b) Gaia hautatu eta gero, bertan klikatu eta kargatu arte itxaron.
· c) Hau menperatuta duzuenean, post hoiek ikusi eta gozatzea besterik ez zaizue geratzen.
Eta horrela amaitu behar dugu ikastaroa. Zer? Uste baino zailagoa, ezta? Ea horrela etiketa manejatzen arazorik ez duzuen. Aitzakirik behintzat ezin jar dezakezue.

XA-BIEEEEEEEEEEEER !!!!

2007K UGARI EMAN DITZALA ANTXOA TA BARAZKIK

2006-12-31T19:47:00.000+01:00

2006. urteari agur esateko garaia da. Azkenean!! Urte honek gauza on asko utzi ditu, eta beste txar batzuk. Klasifikazio bat egin dezagun:

Onak: ETAren su-etena (PPkoa izan ezean), 2005-2006 denboraldian ATH eta REALa 1.mailan mantendu ziren...
Txarrak: Apirilan zapaldu nuen kaka, hegazti gripea, antxoaren urritasuna, atzoko atentatua...

Urtero bezala, gauza txar gehiago okurritzen zaizkit onak baino. Smashing Pumpkins entzutearen ondorioak...

ZORIONAK MR.X...ABIER!

2006-11-27T06:17:00.000+01:00

Gaur betetzen du urtebete blog "zoragarri" honek. Urte honetan, gauza ahaztezinak gertatu dira: Egañaren garaipena, Indiana Jonesen haserrealdia, Begiren abenturak, Freezerren idorraldia... Baina ze kalitate espero zenuten ba 13 urteko ume batez.
Urtebetetze honekin zerak kointziditu du: azkenean 1000 bisitatara iritsi da bloga!
Eskerrik asko sartzen zareten guztioi eta ez sartzeari utzi!

3D PONG

2006-11-11T14:48:00.000+01:00

Hona hemen joku bat:

Free Flash Games

STRIP-TEASE 'begi unibertsitatean'

2006-11-10T23:10:00.000+01:00

Tira hau
www.stripgenerator.com-i
esker gauzatu da.

TIRA BURGA dragoi bola z

2006-10-27T21:16:00.000+02:00

SOKATIRA

2006-09-23T09:39:00.000+02:00

Orain arte gizakia bakarrik ibili izan da herri kirol honetan sokatik tiraka. Zakurrek beren jabeak izkina batetik ikusi behar izaten zituzten parte hartzen. Baina zer arraio! Iritsi da ordua. Zakurrek ere parte hartu nahi dute eta beren eskubideak aldarrikatzeko, beren artean hasi dira ea jabeek ikusi eta modalitate berri bat egiten duten: zakurren modalitatea.

STRIP-TEASE 'begi'

2006-07-29T13:18:00.000+02:00

Tira hau
www.stripgenerator.com-i
esker gauzatu da.

BISITARIEN TARTEA II

2006-06-30T12:56:00.000+02:00

Lehen ere idatzita neukan ispirazio faltan nenbilela, ezta? Ba oraindik ere jarraitzen dut, ze lehenago egindako postean komentario bakar bat jaso dut, eta ideia dezente absurduarekin (idatzi zuenari eskuminak bidali nahi nizkioke eta absurduarena ez dezala gaizki hartu, errespetu guztiz esan dut eta). Egia izan daiteke, blog hau bisitatzen dutenek (3-4 pertsonak) nik baino imaginazio gutxiago izatea? Ea oraingoan kalean zehar ikusten duzutena edo kalakan bertan bada ere (kalaka zer den ez dakienarentzat oharra: kalaka Xabier Eguzkitzek aurkezten duen saioa da.) komentario bat utzi zuen ideiarekin. Aldez aurretik eskerrak idazte pentsatzen duenari. Gainontzekoei agur bero bat.

TXOLARREA SAREAN ZEHAR

2006-06-25T11:50:00.000+02:00

Tolosaldetik beste lehio bat zabaldu dute mundura. dute sarean. Hemendik aurrera Txolarre Irratiak bere txokoa izango du interneten eta eguneroBeren eskualdeko mundu txikia, haundi egin uhinen bitartez irratitik eskaintzen duten hori bera, klik batean izango duzu eskura. Hor behean, ezkerrean, komunikabideen linketan aurkitu ahal izango duzue.

LAKAXITA DESALOJOAREN MEATXUPEAN

2006-05-09T19:32:00.000+02:00

Irungo Lakaxita gaztetxea desalojoan erortzeko zorian dago bere urtebetetzean eraikinaren jabeek usurpazio salaketa jarri baitiete. Honen aurrean, bertako gazteek prentsaurreko bat egin zuten. Hona hemen esan zutena:

Irungo gazteok pairatzen dugun gabezia kultural, musikal eta soziala ikusirik, gazteok kudeatutako espazio baten beharra adierazi genion udaletxeari. Jasotako ezezkoaren aurrean okupazioa genuen alternatiba bakarra. Horrela Anaka kaleko 20.zenbakian dagoen etxean 6 hilabeteko konponketa lanak egin eta gero 2005eko azaroaren 26an Lakaxita gaztetxeak munduari bere ateak ireki zizkion, ipuinari hasiera emanez.

Egun hartatik aurrera, hamaika izan dira gaztetxeak antolatu dituen musika ekitaldiak, hitzaldiak, eztabaidak eta bestelako kultur jarduerak. Hauen artean ezagunak egin diren koadrilen eguna, ?gora gure aiton-amonak? eguna edo ?jaion? festa kritikoa. Esan dezakegu harrera beroa izan dituztela, egindako ekimenetan 2000 pertsona baina gehiago inguratu baitira. Horretaz gain, gaztetxearen ondoan eskonbroz eta zaborrez gainezka zegoen espazioa biziberritzeko apustua egin zen, herriarentzat parke publikoa eraikitzeko proiektua dagoelarik eta jadanik martxan daukagun baratza sortuz.

Lan guzti honen fruituak oparoak izan dira oso, gazteon erreferente eta topagune bilakatu da Lakaxita, adin eta jatorri anitzetako pertsonen elkarrekintzaz gure ametsetako errealitatearen haziak ereiteko espazioa sortuz.

Ipuin guztietan bezala, honetan ere ez dira otsoak falta. Azken astean jasotako salaketaren bidez, gaztetxea hustu eta denon artean marraztutako ipuinaren azken atala idatzi nahi dute. Eraikinaren jabe den kooperatibak salaketa jarri eta desalojo eskaera egin du, orain arte geneukan komunikazio harremanak etenez.

Honen aurrean sortu den arazo honi irtenbidea bilatzeko jabeekin hitz egiteko premia ikusten dugu. Orain arte ez dugu lortu eta horregatik eskaera zehatza egiten diegu hitzaren bitartez akordioa bilatzeko.
Baina beste alde batetik udaletxearen erantzukizuna aipatu nahi dugu. Interes partikular, urbanistiko edo espekulatzaileen gainetik, proiektuaren garapenerako espazioa bermatu behar duelako. Are eta gehiago orain, egindako lanak eta jasotako fruituek ekimenaren zilegitasuna islatzen dutenean.

Argi dagoena da, oztopoak oztopo, ipuinak aurrera jarraitzen duela eta jarraituko duela. Horrela bada, deialdia luzatzen dugu datozen ekimenetan parte hartuz gaztetxea inoiz baino biziago mantentzera eta maiatzean ospatuko dugun urteurrenean parte hartzera.

NIRE BLOGEAN KOMENTARIO BAT NOLA EGIN

2006-04-01T22:29:00.000+02:00

Uste dut interneten kontzeptua ez duzuela oso ongi ulertu eta horregatik, nire blogean komentario bat nola egin irakasteko ikastaro bat prestatu dizuet, eta ikastaroaren izena "Nire blogean komentario bat nola egin" izango da. Honako hauek dira jarraitu beharreko pausuak:
· a) Post bakoitzaren azpian,"comments" jartzen duen tokian (normalean 0), klikatu.
· b) Kargatzen denean, nahi duzuna idatzi, adibidez blogaren egilea zeinen guapoa eta inteligentea den azpimarra dezakezue.
· c) Idatzi ondoren, nortasun bat aukeratu: anonimoa, bestelakoa edo blogger.
· d) Hau menderatzen duzuenean, argitaratun klikatu, eta argitaratuko du, hitzak dioen bezala.
Eta horrela amaitzen da ikastaroa, zuek uste baino zailagoa, eh? Beno ba, ea oraingoan komentario gehiago (komentarioren bat, ia ez daukat eta) egiten duzuen. Aitzakirik behintzat ez duzue.

XA-BIEEEEEEEEEEEER !!!!

SU-ETENA

2006-03-24T22:56:00.000+01:00

ETAk jada martxan jarri du 22an aipatutako su-etena. Ez nuke politika kontuetan sartu nahi, baina uste dut mundu guztiarentzat berri pozgarria dela. Informazio gehiagorako begiratu berrian, garan, eitben edo informazio fidagarriena duenean, mr.x...abierren.
Suposatzen dut asuntu honen berri bazenutela, baina aditzera eman gabe ezin dut utzi, gainera denbora dezente daramat zer idatzi ez dakidala.

TIRA BURGA simpsondarrak

2006-02-07T20:09:00.000+01:00

KASUALITATEA: bai ala ez?

2006-01-20T17:41:00.000+01:00

Justin Blair Spaeth jaunak family guy, telesail ipar amerikarreko Peter Grffinen antz izugarria dauka. Ez naiz lehena honi buruz idazten, baina ez naiz azkena izango. Googleko irudietan Peter Griffin jarriaz aterako zaizuen lehenengo irudia bait da. Seth Macfarlanek hartu al zuen gure Justin modelotzat? Edo gure Justin azkarra operatu ote zen Peter famatuaren antza hartzeko? Erantzuna hauetako bat bada, Peterren arbaso filosofo batek esan zuen bezala, zergatik? Fenomeno honi buruz zerbait baldin badakizue idatzi komentarioren bat.

BISITARIEN TARTEA

2006-01-09T21:57:00.000+01:00

Ikusten duzuen bezala, azken komentario hauetan ez naiz oso inspiraturik egon, beraz, nahi baduzue, komentarioak egiterakoan artikulu edo tira bat egiteko ideia bat idazteko aukera duzue.

Mila esker.

EL PREMIO OBESO

2005-12-23T20:01:00.000+01:00

Aurten ere, urtero bezala, loteriako sari potoloa eman dute, eta ez zait egokitu... Zenbakia 20.085 (por el culo te la inco) izan da. Sari hau Valentzia aldean tokatu dela uste dut... Bilbon 5. saria egokitu omen da. Hau dena ez dut zihurtatzen, San Indelfonsoko umeetaz ez bait naiz fidatzen.
Aizu portzierto... Zergatik deitzen zaio el premio gordo, loteriako anuntziokoa burusoila da baina ez lodia!!!

TIRA BURGA south park

2005-12-23T19:57:00.000+01:00

TIRA BURGA indiana eta bere aita

2005-12-21T19:09:00.000+01:00

BERTSO EXHIBITION CENTER B.E.C.TETA

2005-12-20T20:22:00.000+01:00

BEC bete egin zen guztiz. Bero franko egin zuen horregatik, kontuan hartuz berogailua ere bazegoela.
Aurten ere Andoni Egañak irabazi zuen. Bigarren Unai Iturriaga izan zen. Hirugarren eta laugarren Maialen Lujanbio eta Amets Artzallus. Bosgarren postua Igor Elortzari egokitu zitzaion. Sustrai Colinak seigarren egin zuen, eta Aitor Mendiluze eta Jon Maia zapi eta zortzigarren puntuz berdinduta hauek ere.
Jende askok esan dit eskolan:
-Jo! Beti berdinak irabazten du.
Zerbaitengatik izango da ba!! Onena bera bada ezin zaio ezer egin. Eta onena izaten jarraituko du orain datozen bertsolariekin… Sariak banatu zituzten bertso eskolako umeek bakoitzak puntu bat kantatu behar eta batzuk huts egin ez zuten ba!! Beno, Ona hemen sailkapena (goiz eta arratsalde batera):

Andoni Egaña Makazaga
1796.5
Unai Iturriaga Zugaza-Artaza
1746
Maialen Lujanbio Zugasti
1206.5
Amets Arzallus Antia
1206.5
Igor Elortza Aranoa
1174
Sustrai Colina Acordarrementeria
1171.5
Aitor Mendiluze Gonzalez
1156
Jon Maia Soria
1156

Bertso onenez gozatzeko, sartu www.txapelketanagusia.com en.Bertan aurkituko duzue informazio gehiago.
Ni ikeako katalogoan jezteko aulkirik badagoen begiratzera noa!!

BERTSOLARI TXAPELKETA NAGUSIA

2005-12-06T10:47:00.000+01:00

Finalaurrekoak bukatu dira eta saikapena horrela geratu da:
Amets Arzallus Antia
1566.5 (788.5 + 778)
Jon Maia Soria
1510 (769 + 741)
Igor Elortza Aranoa
1506 (772.5 + 733.5)
Aitor Mendiluze Gonzalez
1505.5 (763 + 742.5)
Unai Iturriaga Zugaza-Artaza
1504 (774 + 730)
Sustrai Colina Acordarrementeria
1455.5 (725.5 + 730)
Jokin Uranga Isuskiza
1454.5 (731.5 + 723)
Aitor Sarriegi Galparsoro
1453 (735 + 718)
Xabier Paia Ruiz
1450.5 (728.5 + 722)
Amaia Agirre Arrastoa
1450 (739.5 + 710.5)
Arkaitz Goikoetxea Arriola
1447.5 (724 + 723.5)
Fredi Paia Ruiz
1444.5 (719 + 725.5)
Jesus Mari Irazu Muñoa
1442 (717 + 725)
Ekaitz Goikoetxea Asurabarrena
1414 (712 + 702)
Jon Martin Etxebeste
1411 (719 + 692)
Arkaitz Estiballes Ormaetxea
1411 (712 + 699)
Etxahun Lekue Etxebarria
1390 (680.5 + 709.5)
Iñigo Manzisidor Larrañaga "Mantxi"
1333.5 (689 + 644.5)

Lehenengo seiak finalerako txartela lortu dute, beraz finalean honako hauek egongo dira:

Unai Iturriaga Zugaza-Artaza
Andoni Egaña Makazaga
Igor Elortza Aranoa
Aitor Mendiluze Gonzalez
Maialen Lujanbio Zugasti
Sustrai Colina Acordarrementeria
Jon Maia Soria
Amets Arzallus Antia

TIRA BURGA chewbacca & han

2005-12-02T20:31:00.000+01:00

MESEDEZ, ARREN ETA FABOREZ

2005-12-02T19:07:00.000+01:00

Mesedez!!! Egin komentarioren bat, bestela aspertu egiten naiz eta!!!
Komentarioak egiteko comments jartzen duen tokian klikatu. Mila esker. Ze mila esker ta ze hostia!! Mila esker zuk esan beharko zenidake blog entretenigarri hau egiteagatik!!

BERTSOLARI TXAPELKETA NAGUSIA (Bera, 05/11/27)

2005-11-28T10:16:00.000+01:00

Berako saioa, saio hotza izan zen, baina ez bertsolariak gaizki egon zirelako, tenperatura freskoa izan zelako baizik. Ikus-entzuleak gustura egon ziren Etxahun Lekue, Iñigo Manzisidor "Mantxi", Amets Arzallus, Sustrai Colina, Fredi Paia eta Jon Maiaren bertsoak entzuten.
Gehien nabarmendu zen bertsolaria Amets izan zen, eta berak irabazi zuen 778 punturekin. Baina Jon eta Sustrai ere ez ziren batere gaizki ibili eta bigarren eta hirugarren bukatu zuten 741 eta 730 punturekin. Fredi eta Etxahun ez ziren gehiegi nabarmendu eta 725.5 eta 709.5 punturekin bukatu zuten. "Mantxi", berriz, ez zen oso fin ibili, noizbehinka hanka sartu bait zuen eta 644.5 puntu jaso zituen.
Gehien gustatu zitzaidan ariketa Ametsek eta Jonek binaka, gaia emanda, hamarreko txikian eginikoa izan zen:

Gaia: Bikotea zarete. Jon amodiozko gutunen lehiaketa batera aurkeztu da eta lehen saria irabazi du. Amets zuk gutuna irakurri duzu, eta konturatu zara zuri sekula ez dizula horrelakorik esan.

1-Amets:

Besoetan hartuko

bazintut amultsu

eta sentitu zure

arnas eta pultsu

krabelin hortan eman

nahi nizuke musu

zure iturri hortan

ze ardo ze luxu

zuk gezur hoiek nundik

atera dituzu

2-Jon:

Nere ilargi bete

ta nere eguzki

nere goizeko ihintza

nere lagun ezti

nere ohe kidea

ta oheko pizti

gutun hau zuretzat da

zuretzat da noski

baina eman nahi nizun

sari eta guzti

3-Amets:

Kontxo ze romantiko

pikaro, pikaro

lau urtetan nahiz gaizki

ez dugun igaro

orain unkitu nauzu

unkitu zeharo

gutuna estimatzen dut

bihotzetik klaro

eta txekea berriz

askozaz gehiago

4-Jon:

Txekearen kontua

nahi zenuke landu

eta nere guztia

orain zeuregandu

baina azaldu zera

pixka bat berandu

poesia ez al zaizu

ondo begitandu

hori txeke batekin

ezin da ordaindu

5-Amets:

Ez ez ez esperantza

eneukan txeketan

nik neuk ere bihotzez

maite dut benetan

lehengoa ziri bat zen

bota dut brometan

zatoz estutu zaitez

nere besoetan

zu zara txapelduna

nere lehiaketan

6-Jon:

Txapelduna naiz baina

ez zuen ematen

orain bide hortatik

nahi al dezu irten

baina beste kontu bat

ere badet emen

folio bati ezin

leku gehiago ken

dena esango dizut

muxu luze baten

Kartzelako gaian denak gai triste bat kantatu zuten, kartzelako gaia honako hau zen: Sukaldeko horman, egutegi bat dago. Maiatzaz geroztik inork ez dio orrialderik kendu.

Denei norbait hil zitzaien Etxahuni ezik, berari semea preso eraman zioten maiatzean. Ezin al zuten kantatu horretaz kezkatzen zena bidaia batean dela eta bera alferregia dela orriak pasatzeko?

Ongi etorri

2005-11-27T21:01:00.000+01:00

Kaixo eta ongi etorri mr.x...abier blogera. Blog honetan, eguneroko bizitzan gertatzen diren eta ez diren gauzei buruz hitz egingo da. Bertso txapelketa nagusia ere hurbiletik jarraituko da. Bloga gustuko baduzue, ez sartzeari utzi.

Argazkian ni goian dagoena naiz, eta ez astoa!! Gainera astoek ez dakite idazten.